សំណួរចម្លើយ

មហារីកខ្លះអាចការពារបាន ហើយខ្លះទៀតអាចបន្ថយហានិភ័យបាន។ អ្វីដែលអ្នកអាចធ្វើបានរួមមាន៖

• ចៀសវាងបារី និងសារធាតុញៀន
• ញុំាអាហារមានសុខភាពល្អ (បន្លែ, ផ្លែឈើ)
• ធ្វើចលនា និងហាត់ប្រាណជារឿយៗ
• ចាក់វ៉ាក់សាំងការពារ (HPV, HBV)
• ធ្វើតេស្ត Screen ជាប្រចាំ (ដូចជា Pap smear, Mammogram, Colonoscopy)

វ៉ាក់សាំង HPV អាចជួយការពារពីមហារីកមាត់ស្បូនបាន។ វ៉ាក់សាំង HBV ក៏អាចជួយកាត់បន្ថយហានិភ័យពីជម្ងឺមហារីកថ្លើមបានផងដែរ។

មិនមែនឱសថគីមីទាំងអស់នឹងបណ្តាលឲ្យជ្រុះសក់ទេ។ មានថ្នាំខ្លះដែលប៉ះពាល់ដល់កោសិការួមទាំងសក់ ហើយបណ្តាលឲ្យជ្រុះសក់ក្នុងមួយរយៈ និងមានថ្នាំខ្លះទៀតធ្វើឱ្យជ្រុះសក់តិចតួច ឬមិនជ្រុះទាល់តែសោះ។ ទោះជាយ៉ាងណាក៏ដោយសក់ភាគច្រើននឹងដុះឡើងធម្មតាវិញបន្ទាប់ពីបញ្ចប់ការព្យាបាលរួច។

បន្ទាប់ពីព្យាបាលជាសះស្បើយ ស្ត្រីឬបុរសអាចមានកូនបានវិញធម្មតា។ ទោះជាយ៉ាងណា ប្រសិនអ្នកមានបំណងចង់មានកូន អ្នកគួរពិគ្រោះជាមួយវេជ្ជបណ្ឌិតមុនពេលចាប់ផ្តើមការព្យាបាល ដើម្បីរៀបចំការថែទាំសុខភាពផ្នែកបន្តពូជទុកជាមុន។

នៅពេលកំពុងព្យាបាលជំងឺមហារីក (ដូចជា ឱសថគីមី ឬកាំរស្មី) មិនអាចឲ្យមានផ្ទៃពោះបានទេ ព្រោះអាចប៉ះពាល់ដល់ទារក និងសុខភាពម្ដាយ។